Andry RAJOELINA
- Détails
- Catégorie : Andry RAJOELINA
Fanamby nataon'ny Filoham-pirenena Andry RAJOELINA tamin'ny vahoakan'i Manakara ny hanamboarana ny tetezan'i Manakara Be.
- Détails
- Catégorie : Andry RAJOELINA
Nitohy tao Farafangana ny dian'ny Filoham-pirenena Andry RAJOELINA sy Ramatoa vadiny, nankahery sy nitondrana fanampiana ho an'ireo mponina traboina taorian'ny fandalovan'ny rivo-doza Batsirai.
- Détails
- Catégorie : Andry RAJOELINA
Anisan'ireo nitondra takaitra taorian'ny fandalovan'ny rivodoza Batsirai ny EPP Anivorano Farafangana izay notsidihan’ny Filoham-pirenena sy Ramatoa vadiny. Efa antitra rahateo ity EPP ity satria efa tamin'ny taona 1958 no niorina. Mendrika fotodrafitrasa tsara sady mafy orina ny zanaka Malagasy hoy ny Filoha Andry RAJOELINA ka nanome baiko avy hatrany ny tenany ny hanamboarana EPP vaovao ahitana efitrano fianarana miisa enina sy birao ho an'ny tale.
Mba hahafahan’ireo ankizy manohy ny fianarany anefa dia amboarina ny tafon'ity EPP Anivorano ity ary hahazo “kits scolaires” ihany koa ny mpianatra ao an-toerana.
- Détails
- Catégorie : Andry RAJOELINA
Tonga tao Fianarantsoa ny Filoham-pirenena sy Ramatoa vadiny rehefa avy any Farafangana. Manohy ny diany izy ireo ho fijerena sy fiahiana ireo tokantrano traboina noho ny fandalovan’ny rivodoza Batsirai. Notsidihan’izy ireo voalohany ny Lycée Raherivelo Ramamonjy, izay nitondra takaitra tokoa noho ny rivodoza.
Tsy maintsy hamboarina sy havaozina tanteraka ity sekoly manan-tantara ity, ho sekoly modely ao Fianarantsoa hoy ny Filoha. Fanorenana mateza sy maharitra no tokony hatsangana hoy hatrany izy. Homena dabilio manara-penitra sy fampitaovana samihafa ary solosaina miisa 20 ihany koa ny Lycée Raherivelo Ramamonjy
- Détails
- Catégorie : Andry RAJOELINA
Tonga nijery ifotony ny manjo ireo mponina ety Andohatapenaka aho satria fantatro fa isan’ireo tena voa mafy noho ny fiakaran’ny rano ity fokontany ity. Amin’ny fotoan-tsarotra toa izao dia tsy maintsy atao avokoa izay zavatra rehetra hamonjena ny mponina traboina.
Napetraka eto ny toerana handray ireo mponina dibo-drano. Fianakaviana an-jantony maro no efa raisina eto ary omena sakafo sy mahazo fitsaboana maimaim-poana. Nanome baiko ihany koa ny tenako ny hanokafana ny EPP mba hahafahana mandray ireo tra-boina hafa mbola tsy manan-kialofana. Ho avy amin’ny herinandro izao ny fanampiana hafa avy amin’ny fanjakana ho an’ireo tra-pahasahiranana noho izao voina mihatra izao koa mila manana ireo karinem-pokontany vaovao ireo tokantrano mba hampirindra ny fitsinjarana izany.
Nojerena ihany koa ny fomba hanalana haingana ireo rano. Mifarimbona amin’izany NY BNGRC sy ireo mpitandro filaminana.
Tsy mifanary isika fa mifanohana hatrany amin’ny andro sarotra.
- Détails
- Catégorie : Andry RAJOELINA
Tonga nankahery ireo mponina rava fananana sy dibo-drano ny toeram-ponenany mitoby eto amin’ny Gymnase couvert Ankorondrano ihany koa ny tenako. Tsy mandao azy ireo ny fanjakana, omena sakafo, fitsaboana sy fanafody ary fialofana eto izy ireo.
Ho zaraina bodofotsy sy kidoro ary hahazo tosika fameno sy Vary Tsinjo izy ireo rehefa miala eto. Ho loha-laharana amin’ny fahazoana izany ireo izay efa manana ny karinem-pokontany manara-penitra.
Tsy maintsy hikarohana sy hametrahantsika vahaolana maharitra ihany koa ny fiakaran’ny rano ety amin’ny faritra iva.
