Voarain’ny Fitsarana Tampony androany ny fianianan’ny Tale Jeneralin’ny ARAI na ny sampanasa misahana ny fakana sy fanagejana ireo fananana azo amin’ny fomba tsy ara-dalàna. Miarahaba sy mirary soa ho azy ny tenako amin’ny asa sy ny adidy lehibe ho sahaniny.
Dingana lehibe amin’ny famongorana ny kolikoly ny nametrahantsika ny ARAI izay tsy sahin’ireo mpitondra teo aloha napetraka hatrizay. Tsy ho vitan’ny hoe hisazy fotsiny ireo manodikondina volam-bahoaka fa hotakiana aminy ary honerany ireo izay rehetra nalainy tamin’ny tsy ara-dalàna.
