Hafaliana ho ahy ny nandraisako ny delegasiona avy amin’ny Emirats Arabes Unis izay notarihan’ny Sheikh Shakhboot BIn Nahyan Al Nahyan, minisitry ny raharaham-bahiny sy ny fiaraha-miasa iraisam-pirenena.
Tohin’ny diako tany Dubaï sy Abu Dhabi tamin’ny volana may teo izao fihaonana androany izao.
Nahaliana azy ireo ny tantaran’ny firenentsika ary resy lahatra izy ireo fa firenena manan-karena i Madagasikara. Nanamafy ny fahavononany izy ireo amin’ny fametrahana ny « zone économique » eto amintsika sy ny fanamboarana ny Tanamasoandro.
Naneho ihany koa ny faniriany ny hiara-hiasa amintsika amin’ny sehatry ny fizahantany, ny angovo ary koa ny fambolena sy ny fiompiana. Noho izany dia vonona izy ireo ny hiara-dalana amintsika ho amin’ny fampandrosoana ka hanamafy ny fifandraisana eo amin’ny firenena roa tonta.
