Socials
- Catégorie : Socials
Tonga nitsidika ara-pomba fifanajana ny Praiminisitra Ntsay Christian ny Ambasadaoro vaovaon’i Sina miasa eto amintsika, Ramatoa Guo Xiaomei, ary izany dia narahina lanonana nanoloran’ny Masoivoho Sinoa fanomezana, izay tafiditra indrindra ao anatin’ny ady atrehin’i Madagasikara amin’ny tsy fanjariantsakafo, antsoina amin’ny fiteny mahazatra hoe « kere ».
Ny fiaraha-miasa teo amin’ny ministeran’ny Rano, Fanadiovana sy Fidiovana, ary ny Masoivohon’i Sina no nahatongavana tamin’izao fanolorana fanomezana izao, ary ny ministera no hiandraikitra ny fitantanana izany, ka nanatrika ny lanonana ny minisitra.
Nampita ampahibemaso ny Ambasadaoro fa nahafahana nifanakalo ny amin’ny hanatsaràna ny fifandraisana efa misy eo amin’ny firenena roa tonta, ny fihaonany voalohany tamin’ny Praiminisitr’i Madagasikara androany. Nitovy fomba fijery ny andaniny sy ankilany mikasika ny hampivoarana ny fampandrosoana, ka ho an’ny firenena Sinoa dia ny fanitarana ireo fanampiana sy hetsika eo amin’ny lafiny ara-tsosialy no anjara birikiny, mba hananan’ny Malagasy fiaraha-monina mivoatra kokoa, izay ikendrena hatrany ny fisandratan’i Madagasikara, ary ny fivoaran’ireto firenena roa izay miara-miasa.
Rehefa nampahafantatra an’ireo fanomezana hatolotra ny Ambasadaoro dia notsiahiviny ny halalin’ny fifankatiavan’ny vahoaka Malagasy sy Sinoa, ary nomarihiny fa fihetsika tsotra ihany ny androany saingy manaporofo kosa ny firaisankinan’ny Masoivoho amin’ireo ianjadian’ny kere.
Manoloana izany dia nanazava ny Praiminisitra fa ny minisitra mpiahy ny any Atsimo no hanara-maso ny fampidinana ireo fanomezana voaray, ho any amin’ny CCO-K, ary ny fanatanterahana an’izany dia amin’ny alalan’ny BNGRC. Nanolotra fisaorana feno ho an’ny governemanta Sinoa sy ity Ambasadaoro vaovao izay nikarakara ny fanolorana fanomezana, ny Praiminisitra.
- Catégorie : Socials
Napetraka tao Ambovombe sy tao Amboasary, tamin’ny faraparan’ny volana novambra teo, ny “Centre de Coordination Opérationnelle contre le Kere”, na ny CCO-K, ho an’ny Faritra Androy sy ny Faritra Anosy, ka nitarika mpikambana maromaro ao amin’ny governemanta, nidina tany amin’ireo toerana ireo, ny Praiminisitra Ntsay Christian, ny 7 desambra 2020 nisolo tena ny fitondram-panjakana, hijery ifotony ny fizotry ny asa ary ny fomba hanatevenana an’izany
- Catégorie : Socials
L’année scolaire 2020-2021 débute officiellement. Le président de la République Andry Rajoelina et son épouse Mialy Rajoelina se sont rendus à l’École Primaire Publique – Centre d’Enseignement Général Manarapenitra Soamandrakizay le lundi 30 novembre 2020 pour assister à la cérémonie marquant le lancement officiel de la nouvelle année scolaire.
- Catégorie : Socials
La mise en place de ce Centre d'informations administratives et d'orientation Ivon’ny Torohay (IVOTORO) participe à la concrétisation du velirano numéro trois du Président Andry Rajoelina, celui de lutter contre la corruption dans l'administration publique et de rapprocher cette administration de la population.
- Catégorie : Socials
Tao amin’ny distrikan’i Beloha - Faritra Androy, ny delegasiona tarihin’ny Praiminisitra, Lehiben’ny governemanta, Ntsay Christian ny 21 novambra, nijery ny zavamisy sy ny dingana efa vita ary nitondra vahaolana vonjimaika, fohy ezaka ary lavitr’ezaka.
- Catégorie : Socials
Nampahafantarina nandritra ny Filankevitry ny Minisitra natao ny 18 Novambra 2020 ireo ezaka efa vitan’ny fitondrampanjakana na koa eo andalam-panatanterahana hiadianaamin’ny tsy fanjarian-tsakafo sy ny ady amin’ny haintany any Atsimo.
