• Vous êtes ici :  
  • Accueil >
  • Andry RAJOELINA

Andry RAJOELINA

Détails
Catégorie : Andry RAJOELINA
share with Whatsapp

Mpianatra miisa 600 no ho afaka hianatra eto amin’ity EPP Manarapenitra Mahamanina misy efitrano fianarana 12 ity. Mivoatra manaraka ny fandrosoana ny fampianarana omena ny zanaka malagasy ety anivon’ny sekolim-panjakana. Tsy latsa-danja amin’ny an’ny tsy mainkina ny kalitaon’ny fanabeazana omena azy ireo eto ary hatreny amin’ny « préscolaire » dia efa omena tontolo hampisokatra ny sainy sy ivelarany Ireo zanatsika.

Tsy ireo mpianatra irery no tsinjovina amin’ny ezaky ny fanjakana hanatsara ny sehatry ny fanabeazana fa ireo mpanabe Ihany koa. Mitohy hatrany ary hitombo ny fandraisana ireo mpampianatra ho mpiasam-panjakana.

Détails
Catégorie : Andry RAJOELINA
share with Whatsapp
Teto Ambalankindresy indray, kaomina iray anatin’ny distrikan’Ambohimahasoa, dia ny tsy fandriampahalemana nampijaly ny mponina an-taona maro no nitondram-bahaolana. Tafapetraka ary notokanana teto ny DSS na ny « Détachement Spécial Sécurité Ambalakindresy ». HIsy miaramila ampy fitaovana hitoby mandavan-taona eto. Hisy fiantsonan’ny angidimby ihany koa.
Tsy ho faritra mena noho ny asan-dahalo intsony Ambohimahasoa.
 

Détails
Catégorie : Andry RAJOELINA
share with Whatsapp
Vita tanteraka ny fonja manarapenitra eto Volamena, kaominina Ambalakely - Fianarantsoa izay fotodrafitrasa naorina mba ho toerana fanitsiana ireo meloka, ary hananan’izy ireo ny zo sy ny hasina maha-olona ka hahafahany hiverina eny anivon’ny fiaraha-monina. Natolotra niaraka tamin’ny fonja vaovao ihany koa ny fiara ho fitaterana ireo voafonja.
 
Nandritra ny fotoana teto no nanehoan’ny ben’ny tananan’Ambalakely sy ny solombavambahoaka voafidy teto Lalangina ny hetahetan’ny vahoaka ety ifotony ka hotolorana CSB II manarapenitra ny Kaominina Ambalakely ary hahazo moto ireo ben’ny tanana 16 anatin’ny distrikan’i Lalangina hanatanterahan’izy ireo ny asany eny anivon’ny vahoaka.
 

Détails
Catégorie : Andry RAJOELINA
share with Whatsapp

Nafana sy tena naharavo ny fo ihany koa ny fandraisan’ny mponina teto Ambalavao. Fihaonana izay nanolorana azy ireo ny kianja nangatahan’ny tanora ka vita soa aman-tsara ankehitriny. Hampiray hina hatrany ny vahoakan’Ambalavao toa ny nampiraisan’ny baolina kitra ny fon’ny Malagasy iray manontolo anie ny fisian’izao fotodrafitrasa lehibe tafajoro eto izao!

Tsy mijanona hatreo ny fampandrosoana fa maro ireo asa mbola ho atao eto toa ny fanamboarana ireo lalana isaky ny Kaominina, ny fanamboarana tsena eto Ambalavao sy ny hampitomboana ny isan’ireo mpampianatra FRAM hampidirina ho mpiasam-panjakana.

Détails
Catégorie : Andry RAJOELINA
share with Whatsapp

İsan'ireo andry iankinan’ny hoavin’ny fianakaviana sy ny hoavin’ny firenena ny fandrindram-piterahana. Tsy maintsy atao laharam-pahamehana izany fandrindrana ny fiainam-pianakaviana sy ny fanabeazana aizana izany raha tiana handroso ny firenena. Ao anatin’izany dia misy fomba amam-panao sy kolontsaina tsy maintsy ovana. Tsy mifanaraka amin’ny vanim-potoana ankehitriny intsony ny hoe miteraha fitolahy sy fitovavy. Mila omena fahalalahana hiteraka izay iriany ny vehivavy. Zon’izy ireo ny hisafidy ny hiteraka na tsia, sy ny hisafidy ny isan’ny zaza haterany. Mahasadaikatra ny Malagasy ny miresaka fanabeazana aizana amin’ireo zanaka. Mila ampianarina izy ireny eo anivon’ny ankohonana ny amin’izay tokony hataony sy izay zavatra tsy tokony hataony na lahy na vavy hisorohana ny vohoka aloha loatra, sy ny vohoka tsy niriana.

Ny tokantrano tsy afaka mizaka sy mamelona ny zanany dia tsy vesatra ho an’ny fianakaviana fotsiny fa vesatra ho an’ny firenena ary mitarika fahantrana lalina.

Koa handray andraikitra feno ny tenako, ary hametraka paik’ady matotra ny fitondram-panjakana ho fanatsarana ny fandrindrana ny fiainam-pianakaviana sy ny fanabeazana aizana. Noho izany indrindra dia apetraka manerana ireo hopitaly sy CSB manerana an'i Madagasikara ireo ivon-toerana manome torohevitra, hahitana ireo karazana fanabeazana aizana sy ireo fanentanana samihafa amin'ny fampiasana azy ireo.

Fandrindrana fiainam-pianakaviana, antoky ny fampandrosoana ny firenena!

 

Détails
Catégorie : Andry RAJOELINA
share with Whatsapp

Maka ny toerany eo amin'ny sehatra iraisam-pirenena i Madagasikara. Nanamafy orina izany ireo fihaonana natao tany Frantsa sy Etazonia. Fihaonana izay nahafahana indrindra indrindra nampisongadina ireo ezaka natao sy ireo mbola hatao hoentina mampandroso ny firenena.

Fahombiazana tanteraka no azon’i Madagasikara tao anatina andro vitsivitsy monja:

- Fahavitan’ny fifanaovantsoniam-piaraha-miasa teo amin’ny tahirim-bola frantsay sy ny governemanta Malagasy hametrahana ny zotram-pitaterana « télépheriques » roa eto Antananarivo Izay hanala fahasahiranana mponina miisa 40000 isan’andro.

- Fihaonana tamin’ny Sekretera Jeneralin’ny Firenena Mikambana Antonio Guterres izay nankasitraka ny fomba nentintsika niatrika ny valan'aretina Covid-19 sy nanamafy fa tsy ilaina ny fanakorontanana raha tiana handroso ny firenena ary tsy maintsy hajaina ny fifandimbiasam-pitondrana ara-fomba demokratika.

- Fihaonana tamin’ny Tale Jeneralin’ny FMI nahazoana famatsiam-bola tsy averina mitentina 332 tapitrisa dolara hoentina manatanteraka ireo tetikasam-pampandrosoana toa ny fotodrafitrasa sosialy, ny angovo azo havaozina, ny rano fisotro madio sy ny ady amin’ny tsy fanjarian-tsakafo ary ny fanarenana ny tapany atsimon’ny Nosy. Famatsiambola izay voalohany no nahazoan’i Madagasikara ny toa izao hatramin’izay 58 taona naha-mpikambana azy tao anatin’ny FMI.

Resy lahatra amin’ny vinam-pampandrosoana entintsika ireo mpiaramiombon’antoka vahiny. Aoka isika tsy ho lany andro amin’ny tsikera tsy hampandroso sy amina adihevitra tokony tsy hisy akory. Mora ny mitsikera, mora kokoa ny tsy manao na inona inona. Saingy isika tsy naman’izay mihemotra, isika mila mandroso ary miasa hatrany. Laharampahamehana ho antsika ireo asa rehetra mitondra fandrosoana sy manatsara ny fiainan’ny mponina. Mikasika ny fiakaran’ny vidin’entana dia hanafatra sambo 20 hitondra PPN hamidy amin’ny vidiny mora isika.