Araka ny resaka farany mahakasika ilay famindram-pitantanana tamin’ny tale jeneraly vaovaon’ny paositra Malagasy, nametra-pitoriana ny tale jeneraly teo aloha. Manoloana izany anefa, nivaly omaly io fitoriana io, nandà tanteraka ny taratasy napetraka ny teo anivon’ny filakevim-panjakana.

Nilaza ireo farany fa tsy nisy ny amboletra natao na koa tsy fietezana teo amin’ny fanendrena natao toy ny filazan’i Rakotomalala Nirina Augustin. Famindram-pahefana ara-dalàna no notanterahina ka tsy mitombona velively ny fitoriana noho izany.

Mitohy hatrany ny asa, arak’izany, ho fampandehanana ny orinasa araka ny tokony ho izy. Ny tale jeneraly ankehitriny ihany koa moa efa vonona ny handray an-tànana ny asa rehetra, ary efa nanana ny fadaminany amin’izany. Hiezaka ny hanatsara sy hitondra fanovana tsaratsara kokoa nohon’ny efa nisy teo aloha i Ranalison Richard, sady hametraka ny paositra ho safidy voalohan’ny mpanjifa Malagasy, araka ny nambarany hatrany.

Felaniaina Tiavina